Mera Delhi me aaj teesra din hai aur aaj mai dusri baar raat ke 10 baje badminton court me khelne gya mere saath 3 aur saathi gye. Badminton court ko hamne ek ghante ke liye book kiya huaa tha jiska kiraya takriban 400 rupay tha. Waise to Delhi nahi mai Noida me hu teen dino se lekin pahli baar jab koi mere jaisa itne bade sheher ghoomta hai to bhale hi wo us sahar ke kisi kone ko bhi ache se samjh na paaya ho par duniya walo se aise baya karta hai jaise wo sheher ki hawaayein uski rooh se hokar gujarti ho.

Court me mai racket lekar aage badha ek chhor par 2 log aur dusre chhor par 2 aur hamare beeche me ek jaali thi jo hamare darmiyan ek pratispardha ke bhaaw ko haar aur jeet me tabdeel karne wali thi. Khair thoda warm-up karne ke baad saamne se mere ek mitra ne hamare beech match ka ailaan kiya aur jo bhi pair pahle 20 point pure kar lega wo jeet jayega. Mai apna pura dhyan match me lagaya jeetne ki wajah se nahi balki is wajah se kahi mere saath me jo log khel rhe hai wo mujhse niraash na ho jaayein pta nhi kyu par mujhe aisa hi lag rha tha. Mujhe Badminton me sirf itna hi pta tha ki shuttle ko racket se hit karna hota hai iske alawa mujhe kuch bhi nahi pta tha na hi court ke dimensions na hi koi niyam par mai is cheej ke liye sharmata nahi tha mai har baar puchhta tha shayad beijaati itni ho gyi ki ye aage beijjati hone wali hai isse fark hi nahi padta.

Hamne match khela aur lagbhag aadhe ghante me mai thak gya shayad is wajah se kyuki ek lambe samay ke baad itna uchhal kood kiya. Mera racket maine doosre mitra ko diya aur pass rakhi bench par jaakar baith gya mere saamne total 6 court the aur sabhi me log khel rhe the aksar log ek ghante ke hisaab se court book karte the to maine hisaab lagana start kiya ki agar ye court shaam me 4 se 11 baje se khula rahta hai aur iske lagbhag 5 court bhi daily ke book rahte hai to ye din ka lgbhag 3200 rupay ek court se aur 6 court se lagbhag 19600 rupay kama rha hai mtlab mahine ke lagbhag 588000 rupay. In sabhi khayalo se achanak mai bahar aaya pta nhi kyu jab bhi kabhi mere dimaag me paiso ka khayal aata hai ya phir aisi koi baat aati hai jisme career paise waise ki baate hone lagti hai to mai thoda saham sa jaata hu aisa nhi ki mai usse bhaagta hu bas yu kah lo ki mai jis samay jis moment me hota hu use nhi jee paata. Tabhi maine kuch kuch cheejein observe ki, is din bhar kaam karte hai ek fix time me jaana ek fix time me aana ek desperate life aur sab apne kaam ko lekar pareshaan hain koi khush nahi hai maine kuch logo se yu hi hii hello kiya aur hamari umar me hii hello ka mtlab hota hai ki ham ek dusre ke kaam ke baare me puchhte hai to unhone mujhse puchha maine to bahana bna diya ki mai degree le rha hu online jiska unke dimaag me koi sense nahi banta, jab bhi ham koi nayi cheej dekhte hai to use apnane me use smjhne me samay lagta hai chahe wo mausam ke badlaaw ko dhaalna ho ya phir koi biological variation ho.

Maine ek apne hi umar ke vyakti se baat ki usne btaya ki wo Amazon me kaam karta hai maine turant hi pta nahi kyu usse puchha ki khush ho wo bola bhai bahut mai smjh nhi paaya ki aakhir wo tont maar rha hai ya phir wo sach kah rha hai kyuki jab wo badminton court aaya to wo phone par kisi se baat kar rha tha aur andaaz se laga ki wo kisi workload se pareshaan hai aur uski wajah se lagbhag uske 1 ghante ki booking ka lagbhag 5 minute barbaad ho chuke the. Mai apne kisi rishtedaar ke pass unke flat me ruka huaa tha unke flat me bahut bade bade log aur bahut hi ache khush mijaaj log rahte the achi achi baatein karte the khoob maja aata tha aisa kabhi nahi laga ki yaar ye ajnabi hai balki aisa lagta tha ki ye dost se badhkar hain. Wo sab acha kama rhe the ache flat me the unke flat me mera aisi cheejon se saamna huaa jo shayad hi kabhi mai apne khwabo me deedar kar sakta tha. Lekin un sabhi me mujhe ek depressed zindagi dikhai sab bahut acha kama kha rhe the jaisi hi chutti milti wo turant bhaag jaate the wo flat chhodkar wo bas us duniya se door jaana chahte the hamesha weekend aate hi wo chhutiyo ki planning karne lagte the shayad waha sabhi ki zindagi aisi hi hoti hai.....

Maine jo bhi anubhaw kiya shayad mai kah to diya lekin sab adhoora hai mai abhi tak kisi nishkarsh me nahi pahuch paaya shayad mera nazariya bhi adoora tha ya phir pta nahi lekin padhne wala soche aur is adhoorepan ko wo khud pura kare ye meri gujaarish hai.