ek chhote shahar se mera pahli baar delhi jaise shahar ka anubhaw hai. Maine hamesha apni locality me suna hai ki delhi aisa hai waisa hai aap aagar jaa rhe ho pahli baar to aap apne samaan ka to khaas dhyan do waha kab aapke jeb se pars gayab ho jayenge kab aapka phone chhen liya jayega aapko iski tanik bhi bhanak nahi lagegi aur aise haadse me itne bade shahar me aap kuch kar bhi nahi paoge.

Mai apne kisi kaam se delhi aaya tha. maine prayagraj se bus li aur yamuna expressway ke through noida me maine arrive kiya. Noida me kuch door chalne ke baad maine kaafi uchi imaarto ko dekha mtlab aise imaartein maine kahi nahi dekhi thi Indore me tha mai ek saal lekin waha par bhi nahi. mere safar ke dauran jo expressway the yamuna-expressway waha par mera aisa anubhaw ki maano mai california ki sadko me ghoom raha hu ekdam saaf aur suthri sadak mtlab mai kah skta hu ki in sadko me aapko nangi aankho se paan ke thuke hue cheet nahi milenge mai gurantee to nahi de sakta kyuki mai bus me tha aur waha se jitna observe kar paya wahi kah rha hu.

Safar ke dauran maine kaafi cheeje notice ki chuki lekhan shaili mere pass nahi hai to shayd mai un anubhawo ko shabdo me baya na kar paau lekin kuch baatein mai jaroor kahna chahunga. hamara gaaw ke pichhda hone ka ek wajah to ye hai ki sarkaar waha par dhyan nhi deti hai jis tarah se use dena chahiye lekin ek aur bada karan mujhe smjh me aaya ki gaawo me log apni soch aur apni krtiyo ki wajah se bhi pichhe hai mujhe lagta hai ki agar gaawo me log apni samajh ko badle to shayad mansikta ke badlaaw ki wajah se vikaas ke pahle star ki chadhai to ham khud hi puri kar jayenge. Maine yaha ke vatavaran me jo hawa anubhaw ki logo ko ek dusre ke kaam me dakhalandazi ka koi shauk nahi hai log apne kaam me pura focus karte hai kisi dusre ki niji zindagi me dakhalandaazi nahi dete aur na hi inhe mtlab hai ki kis aurat ya ladki ne kapde kaise pahne hai kya saamne wali aunty ne apna sir dhaka huaa hai ya nahi aise bagal wale ladke ki shaadi kaha hui hai aur ladki kis caste ki hai wagaira wagaira. Iske alawa logo ko ye lagta hai ki agar wo road me chalte chalte kahi par bhi peshaab kar denge to niyamit roop se jo cheeje hai wo to hongi no doubt lekin wo khud ko kabhi jhel nahi payenge unhe ek inferiority complex ka dar hamesha rahega ki yaar mai aisi harkat kaise kar sakta hu.

Mai maanta hu ki gaawo me ek samaaj hota hai lekin har sikke ke do pahlu hote hai us samaaj ko trutiyo ka bhaagidaar aise truti jo ki waha ke logo ko unki asal zindagi se kahi peeche le jaa rhi hai uska bhaagidaar banne ke bajaay vikaas ka bhaagidar banna chahiye. Mujhe lagta hai ki insaan ko aise samaaj ka bhaagidar banna chahiye jo uske vikaas ke liye ho ki na uski niji zindagi me bhi chhoti se chhoti samsya ki wajah ho.